The Scottish Minstrel (First Series)/My Nannie O

For other versions of this work, see My Nannie, O.

MY NANNIE, O!

Words by Burns. Air very old. Key-note C minor.

Behind yon hills, where Lugar flows,
'Mang moors an' mosses many, O,
The wintry sun the day has clos'd,
And I'll awa to Nannie, O.
The westlin' wind blaws loud and shrill,
The night's baith mirk and rainy, O;
But I'll get my plaid, and out I'll steal,
An' owre the hills to Nannie, O.

My Nannie's charming, sweet, and young,
Nae artfu' wiles to win ye, O;
May ill befa' the flattering tongue,
That wad beguile my Nannie, O.
Her face is fair, her heart is true,
As spotless as she's bonnie, O;
The opening gowan, wat wi' dew,
Nae purer is than Nannie, O.

A country lad is my degree,
An' few there be that ken me, O;
But what care I how few they be?
I'm welcome aye to Nannie, O.
My riches a 's my penny see,
An' I maun guide it cannie, O:
But warl's gear ne'er troubles me,
My thoughts are a' my Nannie, O.

Our auld gudeman delights to view,
His sheep an' kye thrive bonnie, O;
But I'm as blythe that hauds his pleugh,
An' has nae care but Nannia, O.
Come weel, come woe, I carena by,
I'll tak what Heav'n will sen' me, O;
Nae ither care in life nae I,
But live, an' love my Nannie, O.