Seven Popular Songs (1826, Falkirk)/Roy's Wife

For other versions of this work, see Roy's Wife of Aldivalloch (Grant).
​

Roy's Wife.

Roy's wife of Aldivalloch,
Roy's wife of Aldivalloch,
Wat ye how she cheated me,
As I cam' o'er the braes o' Balloch.

She vow'd, she swore she wad be mine,
She said she loe'd me best of ony;
But ah! the saucy fickle quean,
She's taen the Carle and left her Johnie.
Roy's wife, &c.

Her hair sae fair her e'en sae clear,
Her wee bit mou sae sweet and bonnie,
To me she ever will be dear,
Tho she's for ever left her Johnie;
Roy's wife, &c.

But O she was a canty quean,
An' weel could dance the highland alloch
How happy I had she been mine,
Or I'd been Roy of Alnivalloch.
Roy's wife, &c.

This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.