Page:Fugitive Poetry 1600-1878.djvu/426

This page has been proofread, but needs to be validated.
408
WE'LL GANG TO KIRK AWA'.
Success to Kenmure's band, Willie,
 Success to Kenmure's band;
There's nae a heart that fears a Whig
 That rides by Kenmure's hand.

There's a rose in Kenmure's cap, Willie,
 There's a rose in Kenmure's cap;
He'll steep it red in ruddie heart's blude,
 Afore the battle drap.

O Kenmure's lads are men, W illie,
 O Kenmure's lads are men;
Their hearts and swords are metal true,
 And that their faes shall ken.

They live or die wi' fame, Willie,
 They live or die wi' fame,
But soon wi' sounding victorie
 May Kenmure's lord come hame.

Here's Kenmure's health in wine, Willie,
 Here's Kenmure's health in wine;
There ne'er was a coward o' Kenmure's blude,
 Nor yet o' Gordon's line.

Here's him that's far awa', Willie,
 Here's him that's far awa',
And here's the flower that I lo'e best,
 The rose that's like the snaw.

We'll Gang to Kirk Awa'.
My lad's a braw and bonny lad,
 Good-tempered, kind, and free;
And, day and night, the bonny boy
 Is always wooing me:
For, though they say we shanna wed,
 And make a mickle din,
Still Jamie fondly whispers me,
 "Hoot! dinna care a pin!"
  For we will gang to kirk, my love,
   We'll gang to kirk awa'.

This article is issued from Wikisource. The text is available under Creative Commons Attribution-Share Alike 4.0 unless otherwise noted. Additional terms may apply for the media files.