Page:Fugitive Poetry 1600-1878.djvu/385
This page has been proofread, but needs to be validated.
PATIE'S WEDDING.
367
His bonnet was little frae new,
And in it a loop and a slittie,
To draw in a ribbon sae blue,
To bab at the neck o' his coatie.
And in it a loop and a slittie,
To draw in a ribbon sae blue,
To bab at the neck o' his coatie.
Then Patie cam' in wi' a stend;
Cried, "Peace be under the biggin!"
"You're welcome," quo' William, "Come ben,
Or I wish it may rive frae the riggin'!
Now draw in your seat, and sit down,
And tell's a' your news in a hurry;
And haste ye, Meg, and be dune,
And hing on the pan wi' the berry."
Cried, "Peace be under the biggin!"
"You're welcome," quo' William, "Come ben,
Or I wish it may rive frae the riggin'!
Now draw in your seat, and sit down,
And tell's a' your news in a hurry;
And haste ye, Meg, and be dune,
And hing on the pan wi' the berry."
Quoth Patie, "My news is na thing;
Yestreen I was wi' his honour;
Pve ta'en three rigs o' braw land,
And bound myself under an honour:
And, now, my errand to you,
Is for Maggie to help me to labour;
But I'm feared we'll need your best cow,
Because that our haddin's but sober."
Yestreen I was wi' his honour;
Pve ta'en three rigs o' braw land,
And bound myself under an honour:
And, now, my errand to you,
Is for Maggie to help me to labour;
But I'm feared we'll need your best cow,
Because that our haddin's but sober."
Quoth William, "To harl ye through,
I'll be at the cost o' the bridal;
I'se cut the craig o' the ewe,
That had amaist dee'd o' the side-ill;
And that'll be plenty o' broe,
Sae lang as our well is na reested,
To a' the neebors and you;
Sae I think we'll be nae that ill-feasted."
I'll be at the cost o' the bridal;
I'se cut the craig o' the ewe,
That had amaist dee'd o' the side-ill;
And that'll be plenty o' broe,
Sae lang as our well is na reested,
To a' the neebors and you;
Sae I think we'll be nae that ill-feasted."
Quoth Patie, "O that'll do weel,
And I'll gi'e your brose i' the mornin',
O' kail that was made yestreen,
Por I like them best i' the forenoon."
Sae Tam, the piper, did play;
And ilka ane danced that was willin';
And a' the lave they rankit through;
And they held the wee stoupie aye fillin'.
And I'll gi'e your brose i' the mornin',
O' kail that was made yestreen,
Por I like them best i' the forenoon."
Sae Tam, the piper, did play;
And ilka ane danced that was willin';
And a' the lave they rankit through;
And they held the wee stoupie aye fillin'.
The auld wives sat and they chewed;
And when that the carles grew happy,
They danced as weel as they dowed,
Wi' a crack o' their thooms and a happie.
And when that the carles grew happy,
They danced as weel as they dowed,
Wi' a crack o' their thooms and a happie.